මාර්තු 20 වන දින IMF මණ්ඩල රැස්වීමේදී ශ්‍රී ලංකාව සඳහා වන ඇමරිකානු ඩොලර් බිලියන 2.9 ක විස්තීරණ අරමුදල් පහසුකම පිළිබඳ අවසන් තීන්දුව ගැනීමට නියමිතය..IMF ප්‍රධානී Kristalina Georgieva පසුගියදා මේ සම්බන්ධයෙන් ජනාධිපති රනිල් වික්‍රමසිංහ මහතා සමඟ පුළුල් සාකච්ඡාවක් පැවැත්විය.
IMF නිලධාරීන් මාර්තු 21 එක්සත් ජන පදයේ වේලාවෙන් උදෑසන 8 ට පමණ ශ්‍රී ලංකාව කළ ඉල්ලීම සම්බන්ධයෙන් ඔවුන්ගේ තීරණය පිළිබඳව ජාත්‍යන්තර මාධ්‍ය වෙත දැනුම් දීමට නියමිතය. ජාත්‍යන්තර මූල්‍ය අරමුදලේ ආසියා ශාන්තිකර කලාපීය ණය ප්‍රාග්ධන වෙළෙඳපොළ අංශයේ ප්‍රධානී පීටර් බෲවර් සහ ශ්‍රී ලංකා නිලධාරීන් සමඟ සාකච්ඡා වට කිහිපයකට නායකත්වය දුන් ජාත්‍යන්තර මූල්‍ය අරමුදලේ ජ්‍යෙෂ්ඨ නිලධාරි මසාහිරෝ නොසාකි ද මෙම මාධ්‍ය හමුවට සහභාගි වෙති.
එම ගිවිසුම ලබන සතියේ පාර්ලිමේන්තුවට ඉදිරිපත් කිරීමට නියමිතයි.
IMF හි සහය ලැබීමට තීරණාත්මක වූ ණය ප්‍රතිව්‍යුහගත කිරීම සඳහා වන සහයෝගය ඉන්දියාව සහ චීනය ඇතුළු එහි සියලුම ප්‍රධාන ද්විපාර්ශ්වික ණය හිමියන්ගෙන් ලැබී ඇති බව පසුගිය මාසයේ ජාත්‍යන්තර මූල්‍ය අරමුදල තහවුරු කලේය.
