සෞදි තෙල් දැවැන්තයෙකු වන Aramco, 2022 වසර සඳහා ඩොලර් බිලියන 161.1 ක වාර්තාගත ලාභයක් ප්‍රකාශයට පත් කර ඇති අතර එය බලශක්ති මිල ඉහළ යාම හේතුවෙන් සිදුව තිබේ.
එය පසුගිය වසර හා සසඳන විට රජය සතු සමාගම සඳහා 46.5% ක ලාභය වැඩිවීමකි.
2022 පෙබරවාරි මාසයේදී රුසියාව විසින් යුක්රේනය ආක්‍රමණය කිරීමෙන් පසු බලශක්ති මිල ඉහළ යාමෙන් පසුව, වාර්තාගත ලාභ වාර්තා කරන නවතම බලශක්ති සමාගම එයයි.
ඇමරිකාවේ ExxonMobil ඩොලර් බිලියන 55.7 ක් උපයා ඇති අතර බ්‍රිතාන්‍යයේ ෂෙල් ඩොලර් බිලියන 39.9 ක් වාර්තා කළේය.
Aramco විසින් 2022 ඔක්තෝබර් සිට දෙසැම්බර් දක්වා කාර්තුව සඳහා ඩොලර් බිලියන 19.5 ක ලාභාංශයක් ද ප්‍රකාශයට පත් කරන ලද අතර එය මෙම වසරේ පළමු කාර්තුවේදී ගෙවිය යුතු වේ.
එයින් වැඩි කොටසක් හිමිවන්නේ සමාගමේ කොටස්වලින් 95%කට ආසන්න ප්‍රමාණයක් හිමි සෞදි රජයටය.
රුසියාවේ ආක්‍රමණයෙන් පසුව සහ ජූනි මාසයේදී තෙල් බැරලයක මිල ඩොලර් 120 ඉක්මවා ගියද,දැන් බැරලයක් ඩොලර් 82 ක් පමණ වේ .
