ලංකා විදුලි බල මණ්ඩලය ප්‍රතිව්‍යුහගත කිරීමේ වැඩපිළිවෙළ ලබන සතියේ සිට ම ක්‍රියාත්මක කරන බව විදුලි බල හා බලශක්ති අමාත්‍ය කංචන විජේසේකර පවසනවා.
ආසියානු සංවර්ධන බැංකුව, ලෝක බැංකුව, USAID සහ JICA ආයතන ප්‍රතිව්‍යුහගත කිරීමේ වැඩපිළිවෙළ සඳහාඔවුන්ට ලබා දිය හැකි සහය පිළිබඳව මේ වන විට දැනුම් දී තිබෙනවා.
ඒ අනුව, ප්‍රතිව්‍යුහගතකරණයට අදාළ ඉදිරි දැක්ම ඉදිරියේදී කැබිනට් මණ්ඩලයට ඉදිරිපත් කරන බවත් අවසන් පනතට පෙර ක්‍රියාත්මක කළ හැකි ප්‍රතිසංස්කරණ ලබන සතියේ ආරම්භ කරන බවත් අමාත්‍ය කංචන විජේසේකර වැඩිදුරටත් සඳහන් කර තිබේ.
ටිව්ටර් පණිවිඩයක් නිකුත් කරමින් අමාත්‍යවරයා සඳහන් කර ඇත්තේ, විදුලි බල මණ්ඩලය ප්‍රතිව්‍යුහගත කිරීමේ ප්‍රගතිය පිළිබඳව පෙරේදා (මාර්තු 10) සාකච්ඡා කළ බවයි.
Progress on the restructuring of CEB was discussed yesterday. ADB, World Bank, USAID & JICA has communicated on the assistance they can offer. Roadmap & timeline will be submitted to the Cabinet. Reforms that can be implemented before the final Act, will be initiated next week. pic.twitter.com/cOoNNLF4FP
— Kanchana Wijesekera (@kanchana_wij) March 11, 2023
