ජාත්යන්තර මූල්ය අරමුදල අද බැංකු පොලී අනුපාතිකය ඉහළ නැංවීමට ශ්රී ලංකා මහ බැංකුව ගත් තීරණය ප්රශංසාවට ලක් කළ අතර එය “උද්ධමනය වඩාත් ඉක්මනින් සහ ස්ථිරව තනි ඉලක්කම් ඉලක්කය කරා අඩු කිරීමට ඇති කැපවීම පෙන්නුම් කරන” බව පැවසයි.
“බැංකු පොලි අනුපාතිකය ඉහළ නැංවීමට මහ බැංකුවේ තීරණය සුදුසු වන අතර උද්ධමන ඉලක්ක සපුරා ගැනීම සඳහා වන රාමුව යටතේ පිහිටුවා ඇති අරමුණුවලට අනුකූල වේ,” යනුවෙන් ශ්රී ලංකාවේ ජ්යෙෂ්ඨ දූත මණ්ඩල ප්රධානී පීටර් බෲවර් සහ ශ්රී ලංකාවේ දූත මණ්ඩල ප්රධානී මසාහිරෝ නොසාකි නිවේදනයක් නිකුත් කරමින් කියා සිටියහ.
ශ්රී ලංකා මහ බැංකුවේ තීරණයෙන් පෙන්නුම් කරන්නේ උද්ධමනය වඩාත් ඉක්මනින් සහ ස්ථිරව තනි ඉලක්කම් ඉලක්කය කරා අඩු කිරීමට එහි කැපවීමයි.
මේ අතර ජාත්යන්තර මුල්ය අරමුදලේ කළමනාකාර අධ්යක්ෂිකා Kristalina Georgieva සහ ජනාධිපති රනිල් වික්රමසිංහ ශ්රී ලංකාවේ ණය ප්රතිව්යුහගත කිරීම සම්බන්ධයෙන් සාකච්ඡා කර ඇත.
සූම් ඔස්සේ මෙම සාකච්ඡාව පැවති බව ජනාධිපති මාධ්ය අංශය සඳහන් කළේය.
ජාත්යන්තර මූල්ය අරමුදලේ මූල්ය පහසුකම් සහ ශ්රී ලංකාව සඳහා අපේක්ෂිත ණය ප්රතිව්යුහගත කිරීම පිළිබඳව මෙම සාකච්ඡාවේදී පුළුල් ලෙස අවධානය යොමු විය.
දැනට, ශ්රී ලංකාවේ ණය ප්රතිව්යුහගත කිරීම සහ මූල්ය පහසුකම් සම්බන්ධ සියලු පාර්ශවකරුවන් අතර ශුභවාදී හැඟීමක් පවතී.
ජාත්යන්තර මූල්ය අරමුදලේ කළමනාකාර අධ්යක්ෂවරිය ජනාධිපතිවරයා සමග මෙම සාකච්ඡාව පැවැත්වුවේ පසුගියදා චීන අග්රාමාත්යවරයා සමඟ පැවති සාකච්ඡාව සැලකිල්ලට ගනිමින් වීම විශේෂත්වයකි.
ණය බරින් පෙළෙන රටවලට ඵලදායී ලෙස දායක වීම ඉලක්ක කරගත් බහුපාර්ශ්වික ප්රයත්නයන්ට සහභාගී වීමට චීනයේ කැමැත්ත ප්රකාශ කර තිබේ.
ශ්රී ලංකාව සහ පාකිස්තානය වැනි ණය බරින් මිරිකී සිටින රටවල් මේ සම්බන්ධයෙන් ඒකාබද්ධ ක්රියාමාර්ග ගැනීමට අවශ්ය පියවර ගනිමින් සිටින බව වාර්තාව වැඩිදුරටත් පෙන්වා දෙයි.
