මන්ත්‍රීවරුන් සහ රාජ්‍ය සේවකයන්ගේ වත්කම් බැරකම්, අල්ලස් හෝ දූෂණ කොමිෂන් සභාව මගින් ඍජුව විමර්ශනයට ඉඩ සැලසෙන නව දූෂණ විරෝධී පනත සඳහා අමාත්‍ය මණ්ඩල අනුමැතිය ලැබී තිබේ .
ජාත්‍යන්තර මූල්‍ය අරමුදල ශ්‍රී ලංකාවට ණය සැපයීමේදී එක්සත් ජාතීන්ගේ දූෂණ විරෝධී ප්‍රතිපත්තියට අනුගත නව නීති හඳුන්වා දිය යුතු බවට කොන්දේසියක් පනවා තිබේ. ඒ අනුව මෙම නව දූෂණ විරෝධී පනත ඉදිරිපත්ව තිබේ.
නව පනතේ ඇතුළත් තවත් විධිවිධාන අනුව යම් රාජ්‍ය සේවකයකු හෝ මන්ත්‍රීවරු රුපියල් ලක්ෂ 10කට වඩා දේපළක් අත්පත් කරගතහොත් ඒ බවද කොමිසමට දැනුම් දිය යුතුය. එම දේපළ සම්බන්ධයෙන් යම් සැකයක් ඇත්නම් කිසිම පැමිණිල්ලක් නොමැතිව ඒ ගැන විමර්ශනය කිරීමට අල්ලස් දූෂණ කොමිසමට බලය ලැබෙයි.
