දෙමළ ඊළාම් අන්තර්වාර රජය, දෙමළ ඊලාම් විමුක්ති කොටි හෙවත් LTTE සංවිධානය ත්‍රස්තවාදී ලැයිස්තුවෙන් ඉවත් කරන ලෙස ඉන්දීය ස්වදේශ කටයුතු අමාත්‍යාංශයට පෙත්සමක් ඉදිරිපත් කළේය. මෙම පෙත්සම ඉන්දීය ස්වදේශ කටයුතු අමාත්‍යාංශය විසින් එල්ටීටීඊය “ත්‍රස්තවාදී සංවිධානයක්” ලෙස මෑතකදී යළි නම් කිරීමට ප්‍රතිචාර දැක්වීමක් විය.
“දෙමළ බෙදුම්වාදය හා ත්‍රස්තවාදය අතර පැහැදිළි වෙනසක් ඇති බව දෙමළ ඊළාම් අන්තර්වාර රජයේ අගමැති ලෙස පෙනී සිටින රුද්‍රකුමාරන් පැවසීය.
එල්ටීටීඊ තහනම ශ්‍රී ලංකාවේ දෙමළ ජනතාවගේ සාමකාමී ස්වයං නිර්ණය අයිතිය සඳහා කැපවී සිටින අයගේ වැඩකටයුතුවලට බාධාවක් බව එම සංවිධානය කියා සිටි.
“ඊළාම් දෙමළ ජනතාවගේ අභිලාෂයන් සාක්ෂාත් කර ගැනීම සඳහා ඉන්දීය රජයේ රාජ්‍යතාන්ත්‍රික සහාය අත්‍යවශ්‍ය වේ” .එල්ටීටීඊ සංවිධානයේ දෙමළ ඊළම අරමුණ ඉන්දියාවේ ස්වෛරීභාවයට සහ භෞමික අඛණ්ඩතාවයට තර්ජනයක් බවත්, එබැවින් එය “නීති විරෝධී සංගම්” ලැයිස්තුවට අයත් වන බවත් ස්වදේශ කටයුතු අමාත්‍යාංශය මීට පෙර ප්‍රකාශ කර තිබුණි. කෙසේ වෙතත්, වෙනම දෙමළ නිජබිමක් වන දෙමළ ඊළමක් සඳහා ඉන්දියාවේ ආධාරකරුවන්ගේ ක්‍රියාකාරකම් “ඉන්දියාවේ භූමියෙන් කොටසක් වෙන් කිරීමක් නොවන” බව දෙමළ ඊළාම් අන්තර්වාර රජය අවධාරණය කරයි.
2020 දී, දෙමළ ඊළාම් අන්තර්වාර රජය, එක්සත් රාජධානියේ තහනම් සංවිධාන ලැයිස්තුවෙන් එල්ටීටීඊය ඉවත් කිරීම සඳහා වූ අයදුම්පත්‍රය සාර්ථක ලෙස මෙහෙයවීය. බ්‍රිතාන්‍යයේ තහනම් කරන ලද සංවිධාන අභියාචනා කොමිසම විසින් කැපී පෙනෙන තීරණයක් ගනිමින්, දෙමළ ඊළාම් විමුක්ති කොටි (එල්ටීටීඊ) සංවිධානය ත්‍රස්තවාදී සංවිධානයක් ලෙස තහනම් කර තබා ගැනීමට ස්වදේශ කටයුතු කාර්යාලය ගත් තීරණය “දෝෂ සහිත” සහ නීති විරෝධී බව ප්‍රකාශ ලදී.
