මේ සතියේ ශ්‍රී ලංකාවට ලැබුණු ඇමරිකානු ඩොලර් බිලියන 3ක ජාත්‍යන්තර මූල්‍ය අරමුදලේ (IMF) ණය සහනය හේතුවෙන් , බැංකු ණය සඳහා අඩු පොලී අනුපාත අයකිරීම ගැන ව්‍යාපාර බලාපොරොත්තු වේ. ආර්ථික අර්බුදය සහ බැංකු පොලී අනුපාත වැඩි කිරීම හේතුවෙන් කුඩා හා මධ්‍ය පරිමාණ ව්‍යවසායකයන් (SMEs) දැඩි ලෙස පීඩාවට පත් වූ අතර, ණය ගැනීම බියකරු සිහිනයක් විය.
සූර්යා ගිනිපෙට්ටි සමාගමේ සමූහ අධ්‍යක්ෂ සහ ප්‍රධාන මූල්‍ය නිලධාරී ප්‍රසාද් රාජන් මේ බව ප්‍රකාශ කළේ සමාගමේ සන්නාම තානාපතිවරයා ප්‍රකාශයට පත් කිරීම සඳහා කොළඹ සිනමන් ග්‍රෑන්ඩ් හෝටලයේ බදාදා පැවති මාධ්‍ය හමුවට සමගාමීව අදහස් දක්වමිනි.
රාජන් පැවසුවේ, “ඉදිරිපත් වන IMF ණයත් සමඟ ව්‍යාපාර බැංකු ණය පොලී අනුපාත පහත වැටෙනු ඇතැයි අපේක්ෂා කරයි. අඩු පොලී අනුපාත සුළු හා මධ්‍ය පරිමාණ ව්‍යවසායකයින්ට උපකාර වන අතර, වැඩි වශයෙන් ණය ගැනීම ආරම්භ කිරීමට මෙය ව්‍යාපාරවලට වක්‍රව උපකාර වනු ඇත.සූර්යා ගිනිපෙට්ටි සමාගමේ බොහෝ සැපයුම්කරුවන් කුඩා හා මධ්‍ය පරිමාණ ව්‍යවසායකයින් වන අතර පොලී අනුපාත පහත වැටුණහොත් එය විශාල සහනයක් බව ඔහු පැවසීය.
ශ්‍රී ලංකාවේ සුප්‍රසිද්ධ ගෘහස්ථ ගිනිපෙට්ටි සන්නාමය වන සූර්යා පිළිබඳව රාජන් ප්‍රකාශ කළේ, “අපි සියයට 60 ක වෙළඳපල කොටස සමඟ ගිනිකූරු කර්මාන්තයේ වෙළෙඳපොළ ප්‍රමුඛයන් වෙමු. සමාගම 2024 දී වසර 40 ක් සමරනු ඇත. දැනට සූර්යා සන්නාම නිෂ්පාදන සියලුම සිල්ලර අලෙවිසැල් වලින් ලබා ගත හැකිය. සමාගමේ නිෂ්පාදන කම්හල මහනුවර දිගන ප්‍රදේශයේ පිහිටා ඇති අතර කාර්යාලය කුණ්ඩසාලේ පිහිටා ඇත. ශ්‍රී ලංකාවේ පවුල් 20,000ක පමණ ජීවනෝපාය රඳා පවතින්නේ ගිනිපෙට්ටි කර්මාන්තය මත බව ඔහු සඳහන් කළේය.
ශ්‍රී ලාංකික නිළි යශෝධා විමලධර්ම සූර්යා හි සන්නාම තානාපතිනිය ලෙස පත් කරන ලදී.
