ලොව ජනප්රිය කොලොම්බියානු සංගීත තරුවක් වන ෂකීරාට යූරෝ මිලියන 14.5ක බදු වංචාවක් සම්බන්ධයෙන් චෝදනා එල්ල වී තිබේ.
විදෙස් මාධ්ය වාර්තා කළේ, ස්පාඤ්ඤයේ, බාසිලෝනා අධිකරණයක් විසින් ඇයට බදු වංචා 6ක් සම්බන්ධයෙන් නඩු විභාගයට පෙනී සිටින ලෙස නියෝග කරනු ලැබ ඇතත් තවම ත් දිනයක් නියම කර නොමැති බව ය.
ඇය වසර අටකට සිරගත කිරීමට සහ වැරදිකරු වුවහොත් යුරෝ මිලියන 23.8ක දඩයක් පැනවීමට පැමිණිලිකරුවන්ට අවශ්ය බව විදෙස් මාධ්ය වාර්තා කර ඇත.
කෙසේ වෙතත්, 45 හැවිරිදි ෂකීරා තමන් එවැනි වරදක් සිදු කළ බව නැවත නැවතත් ප්රතික්ෂේප කර තිබේ.
මෙම නඩුව පැවරීම සඳහා පාදක වී ඇත්තේ, 2012 සහ 2014 අතර ෂකීරාගේ පදිංචි තත්ත්වය යි.
පැමිණිලිකාර පාර්ශවය චෝදනා කරන්නේ, අදාළ කාලය තුළ ඇය ස්පාඤ්ඤයේ ජීවත් සිට ඇති නමුත් ඇයගේ නිල නිවස වෙනත් ස්ථානයක ලැයිස්තුගත කර තිබී ඇති බව ය.
ස්පාඤ්ඤ නීතියට අනුව, මාස හයකට වඩා වැඩි කාලයක් රට තුළ ගත කරන පුද්ගලයින් බදු ගෙවිය යුතු පදිංචිකරුවන් ලෙස සැලකේ.
නමුත් ෂකීරා පවසන්නේ, ස්පාඤ්ඤය එවකට ප්රධාන වශයෙන් තමන් ජීවත් වූ ස්ථානය නොවන බව ය.
#newsplus
අපගේ YouTube සබැඳිය
https://youtube.com/channel/UCw0X0yNZIjTR61JdLTDJ8tw
අපගේ Telegram සබැඳිය
https://t.me/ChannelPlusOne
අපගේ Whatsapp සබැඳිය
https://chat.whatsapp.com/GEB4vejkAb9JsDZ5pXBi29
