බටහිරින් යුක්රේනයට මිලිටරි ආධාර වැඩි වීම ගැන රුසියාව ගැඹුරින් සැලකිලිමත් වේ. එක්සත් ජනපදයේ සහ අනෙකුත් බටහිර රටවල මිලිටරි විශේෂඥයින් යුක්රේන හමුදා සාමාජිකයින් පුහුණු කිරීමෙහි ක්‍රියාකාරිව නිරත වන අතර රුසියානු සන්නද්ධ හමුදාවන් සමඟ ගැටුමකට සම්බන්ධ වීමේ අවදානමක් ඇත. අවාසනාවකට මෙය රුසියාව සහ නේටෝව අතර සෘජු ගැටුමක් ඇති විය හැකි බව ශ්‍රී ලංකාවේ රුසියානු තානාපති කාර්යාලය නිවේදනයක් නිකුත් කරමින් කියා සිටී.
“කියෙව් පාලන තන්ත්‍රයට බටහිර විසින් මිලිටරි නිෂ්පාදන සැපයීමෙන් ඇඟවෙන්නේ ආයුධ වෙළඳාමේ ජාත්‍යන්තර ප්‍රමිතීන් අමු අමුවේ උල්ලංඝනය කිරීමකි, වෙළඳාමේ ජාත්‍යන්තර ප්‍රමිතීන් සන්නද්ධ ගැටුම් කලාපවලට ආයුධ සහ හමුදා උපකරණ බෙදා හැරීම මෙන්ම එය තුන්වන පාර්ශවයකට පැවරීම තහනම් කරයි. යුක්රේනයේ පවතින අවි ආයුධ වෙළඳාමේ නීති රීති වෙනස් කිරීමට යුක්රේනයේ තත්වය භාවිතා කිරීමට උත්සාහ කරන බටහිරට මෙම සීමා කිරීම් විශාල අපහසුතාවයක් ගෙන දෙයි. එපමණක් නොව, යුක්රේනයට නවීන බටහිර ආයුධ සැපයීම රුසියාවට අවශ්‍ය ප්‍රතිචාරාත්මක පියවර ගැනීමට බල කරන අතර අවසානයේ ගැටුම් අනෙකුත් යුරෝපීය ප්‍රදේශවලට ව්‍යාප්ත වීමට හේතු විය හැක.
“රුසියාවේ කනස්සල්ලට තවත් හේතුවක් වන්නේ ඉහත සඳහන් ආයුධ මැද පෙරදිග, ආසියාවේ සහ අප්‍රිකාවේ ත්‍රස්තවාදී සංවිධාන වෙත පැමිණීමේ තර්ජනයයි. අපගේ තොරතුරුවලට අනුව, කියෙව් පාලනය දැන් ඡායා ආයුධ වෙළඳාමට සෘජුවම සම්බන්ධ වී ඇති අතර, එය බටහිර රටවල් ත්‍රස්තවාදයට සහාය වීම සම්බන්ධයෙන් නිදසුන් සපයයි.
“වොෂින්ටනය, යුක්රේනයට ඔවුන්ගේ මිලිටරි ආධාර තීව්ර කරන ලෙස යුරෝපීය රටවලට අණ කරමින්, මිලිටරි හා ආරක්ෂක අරමුණු සඳහා ඔවුන්ගේ රාජ්‍ය වියදම් වැඩි කිරීමට ඔවුන් තල්ලු කරයි. මෙය අනිවාර්යයෙන්ම ඇමරිකානු ආයුධ නිපදවන සමාගම් විසින් ගසාකනු ඇත. කෙසේ වෙතත්, සමස්ත තත්ත්වය ගෝලීය ආර්ථික අර්බුදය ගැඹුරු කිරීමට හේතු වේ.
“මේ සම්බන්ධයෙන් රුසියාව ශ්‍රී ලංකාවෙන් ඉල්ලා සිටින්නේ බටහිර රටවල් යුක්රේනයට ලබා දෙන යුද ආධාරවලට විරුද්ධ වන ලෙසයි. මෙය වඩාත් අදාළ වන්නේ ශ්‍රී ලංකාව මෑතකදී පාස්කු ඉරිදා ප්‍රහාරයේ ත්‍රාසජනක තත්ත්වයන් පසුකරමින් බටහිරයන් විසින් කුපිත කරන ලද ගෝලීය අර්බුදයේ ප්‍රතිඵලයක් වන විශාල ආර්ථික දුෂ්කරතාවලට මුහුණ දෙමින් සිටින බැවිනි.
