ශ්‍රී ලංකා පාපන්දු සම්මේලනයේ මූල්‍ය හා පරිපාලන ගැටළු විසඳීම සඳහා පුද්ගලයන් හය දෙනෙකුගෙන් සමන්විත කමිටුවක් ක්‍රීඩා ඇමතිවරයා විසින් පත් කර තිබෙනවා.
පෙබරවාරි 21 වනදා සිට බලපැවැත්වෙන පරිදි අතිවිශේෂ ගසට්ටුවක් මගින් ක්‍රීඩා අමාත්‍ය රොෂාන් රණසිංහ විසින් මෙම පත් කිරීම සිදු කර තිබෙනවා.
2012 වසරේ සිට පාපන්දු සංගමයේ ව්‍යවස්ථාව සැකසීම ප්‍රමාද කිරීම, මූල්‍ය පරිපාලන දුර්වලතා,නාමිකව පමණක් ඇති ක්‍රීඩා සමාජ පිළිබඳ සොයා බැලීම ආදී තවත් ක්ෂේත්‍ර ගණනාවක් ආවරණය වන වාර්තාවක් මාස 02 ක් තුළ ලබාදීම මෙම කමිටුවට ඇති වගකීමයි.
විශ්‍රාමික මහාධිකරණ විනිසුරු කුසලා සරෝජනී වීරවර්ධන මහත්මිය සභාපති ලෙස පත් කර ඇති මෙම කමිටුවේ අනෙකුත් සාමාජිකයන් වන්නේ, කිංස්ලි ප්‍රනාන්දු,සුදත් නාගහමුල්ල, ආනන්ද පීරිස්, සුසිල් රාමනායක සහ ශලිනි රොෂානා යන මහත්ම මහත්මීන්.
