ජනාධිපති රනිල් වික්‍රමසිංහ මහතා විසින් රටේ නීතිය හා සාමය ආරක්ෂා කිරීම සඳහා අති විශේෂ ගැසට් පත්‍රයක් මගින් නැවතත් හමුදාව යොදවා තිබේ.
2023 මාර්තු 22 දින සිට බලපැවැත්වෙන පරිදි අතිවිශේෂ ගැසට් පත්‍රය නිකුත් කර ඇත.
“මහජන ආරක්ෂක ආඥාපනතේ 12 වැනි වගන්තිය (40 වැනි පරිච්ඡේදය) මගින් මා වෙත පැවරී ඇති බලතල ප්‍රකාරව, 2023 මාර්තු 22 දින සිට ක්‍රියාත්මක වන පරිදි මෙහි පළමු උපලේඛනයේ හා මෙහි දෙවන උපලේඛනයේ නිශ්චිතව දක්වා ඇති ප්‍රදේශවල මහජන සාමය පවත්වාගෙන යාම සඳහා මෙම නියෝගය මගින් නිශ්චිතව දක්වා ඇති ත්‍රිවිධ හමුදාවේ සියලුම සාමාජිකයන් කැඳවනු ලැබේ. ,” අතිවිශේෂ ගැසට් පත්‍රය පවසයි.
එම ගැසට් පත්‍රයේ පළමු උපලේඛනයේ ශ්‍රී ලංකා යුද හමුදාව, නාවික හමුදාව සහ ගුවන් හමුදාව නම් කර ඇත.
දෙවන උපලේඛනයේ සඳහන් වන්නේ රටේ හමුදාව සූදානම් කර ඇති සියලුම ප්‍රදේශ ගැන ය. මෙයට ශ්‍රී ලංකාවේ සියලුම දිස්ත්‍රික්ක ඇතුළත් වේ.
පාස්කු ඉරිදා ප්‍රහාරයෙන් පසු නීතිය හා සාමය ආරක්ෂා කිරීමට හමුදාව යොදවා තිබුණි.
