පසුගිය සතියේ පැවති නවසීලන්ත එක්දින තරඟාවලියේ ඇති වූ කැළඹිලි සහගත තත්ත්වයෙන් පසුව ශ්රී ලංකා කණ්ඩායමේ නායක දසුන් ශානක එම ස්ථානයෙන් ඉවත් කිරීමට බොහෝ දුරට ඉඩ ඇති බව වාර්තා වේ.
ශ්රී ලංකා ක්රිකට් ආයතනය පසුගිය සතියේ ශානකට එක්දින නායකත්වයෙන් ඉල්ලා අස්වන ලෙස ඉල්ලීමක් කර ඇති බව ශ්රී ලංකා හිටපු ක්රිකට් ක්රීඩකයෙකු සඳහන් කළේය. තේරීම් කමිටුව යොවුන් ප්රතිපත්තියකට ගියහොත් ඕවර 50 නායකත්වය ධනංජය ද සිල්වාට හෝ කුසල් මෙන්ඩිස්ට හිමිවනු ඇතැයි එම ආරංචිමාර්ග වැඩිදුරටත් සඳහන් කරයි.
මේ අතර විස්සයි20 නායකත්වය වනිඳු හසරංගට පිරිනැමීමට ඉඩ ඇති බව වාර්තා වේ. කණ්ඩායමේ අනෙකුත් ක්රීඩකයන් ඔහුගේ ආකල්පය ගැන සතුටු නොවීම ශානකගේ අවාසියට හේතු වී ඇති බව වැටහේ.
