මියන්මාරයේ හමුදා පාලනය ප්රසිද්ධියේ විවේචනය කළ මියන්මාර රූප සුන්දරියක වන හැන් ලේ (Han Lay) සැප්තැම්බර් 28 දිනයේදී සරණාගතයෙකු ලෙස කැනඩාවට ගොස් තිබේ.
23 හැවිරිදි වියේ පසුවන ඇය මාධ්ය වෙත ප්රකාශ කර ඇත්තේ, කැනේඩියානු නිලධාරීන්ගේ සහ එක්සත් ජාතීන්ගේ සරණාගත ඒජන්සියේ සහය ඇතිව කැනඩාවේ රැඳී සිටීමට තමන්ට අවසර ලැබුණු බවයි.
“සියල්ල ඉතා වේගයෙන් සිදු වූ අතර, මා සතුව ඇත්තේ, ඇඳුම් කිහිපයක් පමණයි,” යනුවෙන් ඇය සඳහන් කර ඇත.
කැනඩාවට යාමට පෙර මාධ්ය වෙත අදහස් දක්වමින් ඇය වැඩිදුරටත් ප්රකාශ කර සිටියේ, තමන් කොතැනක සිටිය ද මියන්මාරය වෙනුවෙන් හඬ නගන බවත් කැනඩාව තමන්ට ආරක්ෂිත ස්ථානයක් බැවින් මෙම ගැටලුව ගැන කතා කිරීමට තමාට තවදුරටත් අවස්ථාව ලැබෙනු ඇති බවත් ය.
හැන් ලේ (Han Lay) ජාත්යන්තරයේම අවධානයට ලක් වූයේ, පසුගිය වසරේ තායිලන්තයේ පැවති Miss Grand International විලාසිතා තරගය තුළ දී අදහස් දැක්වීම සඳහා ඇයට ලබා දුන් කාලයේදී, ඇය මියන්මාරයේ හමුදා පාලනයේ ඇති නීතීවලට එරෙහිව අදහස් ප්රකාශ කිරීමත් සමඟ වන අතර ප්රකාශ හේතුවෙන් ඇය එම තරගයෙන් පසු තමන් මියන්මාරයේදී අත්අඩංගුවට ගැනීම වැළැක්වීම සඳහා තායිලන්ත තුළම රැඳී සිටින ලදි.
