ජාතික ආරක්ෂාවට තර්ජනයක් විය හැකි බැවින් ශ්‍රී ලංකා ටෙලිකොම් පෞද්ගලීකරණය නොකරන ලෙස පාර්ලිමේන්තුවේ ජාතික ආරක්ෂාව පිළිබඳ ආංශික අධීක්ෂණ කමිටුව නිර්දේශ කර තිබේ.
වාර්තාවේ සඳහන් වූයේ ශ්‍රී ලංකා ටෙලිකොම් කොටස්‌වලින් දැනටමත් , 44.98% ක්‌ ජාත්‍යන්තර සමාගම්වලට ද 49.5% ක්‌ රජයට ද හිමිව ඇති බවත්, තවදුරටත් පෞද්ගලීකරණය කිරීමෙන් ජාතික ආරක්ෂාව පිළිබඳ සංවේදී තොරතුරු හෙළිවන බවත් ය.
අසාදු ලේඛනගත කර ඇති ත්‍රස්තවාදීන්ට, අන්තවාදීන්ට ඕනෑම ආකාරයකින් උදව් කළ ඕනෑම කෙනෙකුට හෝ සංවිධානයකට කිසිදු කොටසක් මිලදී ගැනීමට සහ රටේ ජාතික වත්කම් පාලනය කිරීමට ඉඩ නොදිය යුතු බව ද වාර්තාවේ සඳහන් වේ.
.
