මුදල් අමාත්‍යංශය මගින් අද දින පාර්ලිමේන්තුවට ඉදිරිපත් කල පරිපූරක ඇස්තමේන්තුවක් ඉදිරිපත් කලේය. ඒ සම්මත වූ අයවැයට වඩා අතිරේකව තවත් වියදම් ප්‍රමාණයක් ලබා ගැනීම සදහායි.
මෙම පරිපූරක ඇස්තමේන්තුව සම්බන්ධයෙන් අද දින පාර්ලිමේන්තුවේදී ජාතික ජන බලවේගයේ නායක අනුර කුමාර දිසානායක මහතා ආණ්ඩුවෙන් ප්‍රශ්න කරන ලදී.
ඒ මහතා පෙන්වා සිටියේ ශ්‍රී ලංකා ටෙලිකොම් ආයතනය විකිණීමට පියවර ගැනීම සදහා ලක්ෂ 13,000ක් වෙන් කර ඇති බවයි.
තවද ජනාධිපතිවරයාට විදේශ සංචාර, වාහන නඩත්තුවට හා ඉන්ධන සදහා තවත් රුපියල් ලක්ෂ 2,000ක් ද මෙමගින් ඉල්ලා ඇති බවයි.
අනුර කුමාර ප්‍රශ්න කර සිටියේ ටෙලිකොම් ආයතනය විකිණීමට පියවර ගැනීමට ලක්ෂ 13000කුත් ජනාධිපති රනිල් වික්‍රමසිංහයන් හට රට සවාරි යන්න හා වාහන නඩත්තු කිරීමට ලක්ෂ 2,000කුයි අතිරේකව ඉල්ලීම රටේ මූල්‍ය විනය කඩ කිරීමක් බවයි.
හෙතෙම පෙන්වා දුන්නේ අපේ රටේ මූල්‍ය විනය පළමුව රැකිය යුත්තේ ජනාධිපතිවරයා බවයි.
