ගෝඨාභය රාජපක්ෂ ජනාධිපති ධූරයට පත් කිරීමෙන් තම පක්ෂය බලාපොරොත්තුවූයේ ඔහු ඍජු තීරණ ගෙන රට ඉදිරියට ගෙන යාම බව ශ්‍රී ලංකා පොදුජන පෙරමුණේ මහලේකම් සාගර කාරියවසම් පැවසීය. කෙසේ වෙතත් ගෝඨාභය රාජපක්ෂ එවැනි සෘජු තීරණ නොගත් බවත් තමන්ට හිතවත් කිහිප දෙනෙකුගේ මතයට අනුව කටයුතු කිරීම හේතුවෙන් එම තනතුරෙන් ඉවත් වීමට සිදුවූ බවත් ඔහු වැඩිදුරටත් සඳහන් කළා.
සාගර කාරියවසම් වැඩිදුරටත් සඳහන් කළේ තම පක්ෂය රනිල් වික්‍රමසිංහ අග්‍රාමාත්‍යවරයා ලෙස පත් කර පසුව ඔහුව ජනාධිපතිවරයා ලෙස පත් කළ බවත් රට තුළ සාමය ඇති කර රාජ්‍ය තාන්ත්‍රිකභාවය ඇති කර ආර්ථිකය වර්ධනය කිරීමට බලාපොරොත්තු වූ බවත් ඒ දෙකම සාර්ථකව ඔහු ඉටු කළ බවත්ය.
