ජාතික ජන බලවේගයේ නායක අනුර කුමාර දිසානායක මහතා සහ එම පක්ෂයේ විධායක සභික ලාල් කාන්ත මහතා ඊයේ ( 19 ) දින මහනුවර අස්ගිරි – මල්වතු මහ නායක හිමිවරුන් බැහැ දුටුවා.
සියම් නිකායේ මල්වතු පාර්ශවයේ මහ නායක අති පූජ්‍ය තිබ්බටුවාවේ ශ්‍රී සුමංගල නා හිමියන් බැහැ දුටු අවස්ථාවේ පැරණි පක්ෂ දෙකේම පාලකයන් මේ රට විනාශ කල බවත් මේ මොහොතේ රට ගොඩ ගැනීමට ජාතික ජන බලවේගයේ නායක අනුර කුමාර දිසානායක මහතා ඇතුලු කණ්ඩායමට උනන්දු වන ලෙසත් මින් පසු යලි අවස්ථාවක් නොඑන බවත් උන් වහන්සේ පවසා ඇති බවට වාර්ථා වනවා.
මේ මොහොතේ තමන් රට ගොඩනැගීමට රට භාරගැනීමට සූදානම් බවත් ඒ සදහා ස්වාමීන් වහන්සේලාට, අනෙකුත් පූජ්‍ය තුමන්ලාට, වෘත්තිකයන්ට, ව්‍යාපාරිකයන් ඇතුලු සියලූම ශ්‍රී ලාංකිකයන්ට සමාජය ගොඩ නැගිය හැකි ජාතික පුනරුද ව්‍යාපරයක්, ජාතික ව්‍යායාමයක් නිර්මාණය කරමින් සිටින බවහ් සදහන් කර ඇත.
connect with us – https://chat.whatsapp.com/JdGc1SkqDhCDwcuvvN0VML
