හිටපු ජනාධිපති මහින්ද රාජපක්ෂ මහතාගේ පුත් යෝෂිත රාජපක්ෂ මහතා හිටපු ජනාධිපති ගෝඨාභය රාජපක්ෂ මහතා ඉල්ලා අස්වීමෙන් පසු රජයට අයත් නිවසක යතුර නීති විරෝධී ලෙස සන්තකයේ තබාගෙන සිටින බවට වාර්තා වනවා.
කොළඹ බුලර්ස් පටුමගේ ස්ටැන්මෝර් ක්‍රෙසන්ට් හි පිහිටි මෙම නිල නිවස මීට පෙර මංගල සමරවීර මහතා රජයේ අමාත්‍යවරයාව සිටියදී භාවිතා කළ අතර පසුගියදා හිටපු ජනාධිපති මහින්ද රාජපක්ෂ මහතා විජේරාම පාරේ පිහිටි නිල නිවසේ අලුත්වැඩියා කටයුතු කිහිපයක් හේතුවෙන් එය භාවිතා කළේය.
ඔහුගේ පියා වන මහින්ද රාජපක්ෂ සහ වැඩිමහල් සොහොයුරු නාමල් රාජපක්ෂ යන දෙදෙනාගේම උපදෙස් මත නොසැලකිලිමත්ව ස්ටැන්මෝර් ක්‍රෙසන්ට් හි පිහිටි නිවසේ යතුර හිතාමතාම රඳවා තබාගෙන සිටින්නේ යෝෂිත රාජපක්ෂ බව ආරංචි මාර්ග පවසයි.
යෝෂිත රාජපක්ෂ,මහින්ද රාජපක්ෂ අග්‍රාමාත්‍යවරයා ලෙස කටයුතු කරන සමයේ ඔහුගේ කාර්ය මණ්ඩල ප්‍රධානියා ලෙස කටයුතු කළ අතර, ඔහු ආණ්ඩුවේ වඩාත්ම වරප්‍රසාද ලත් පුද්ගලයෙකු විය. එහෙත් මේ වන විට රාජපක්ෂලා කිසිවකු ආණ්ඩුවේ අධිකාරී මට්ටමේ නොසිටින බැවින් නිරීක්ෂණ අනුව රජයේ දේපළ රඳවා තබා ගනිමින්යෝෂිත මහා අපරාධයක් සිදු කරන අතර අද වනතුරු නීතිමය ක්‍රියාමාර්ග නොගන්නේ මන්දැයි රනිල් වික්‍රමසිංහ පාලනය පිළිතුරු දිය යුතුය.
