ඉන්දීය මාධ්‍ය හා භූ විද්‍යාඥයින් අනාවැකි පළ කරන අයුරින් ඉන්දියාවේ හිමාල ප්‍රදේශයට රිච්ටර් ඒකක 8 ක් ඉක්මවූ භූමිකම්පාවක් ඇති වූවොත් එය කොළඹට පමණක් නොව යාපනයට ද ප්‍රබල ලෙස බලපෑ හැකි බව මහාචාර්ය අතුල සේනාරත්න මහතා සඳහන් කරනවා.
රිච්ටර් ඒකක 5 ක විශාලත්වයෙන් යුත් භූ කම්පනයක් දැනට වසර 2කට පමණ පෙර හිමාලයේ සිදු වූ අතර එය කොළඹට ඉතා තදින් දැනුනු බවත් ඒ මහතා පැවසීය.
රිච්ටර් ඒකක 8 ක් යනු එමෙන් සිය ගුණයක් ප්‍රබලත්වයක් යුතු බවත් භූ කම්පනයක් බවත් හානිය ද එතරම්ම ප්‍රබල බවත් ඔහු පෙන්වා දෙයි.
මෑතකදී තුර්කිය හා සිරියාව අසල භූමිකම්පා සිදු වූ රේඛාවට හිමාලයද අදාළ විය හැකි නිසා එම කම්පනයන් අතර යම් සම්බන්ධයක් තිබය හැකි බවද මහාචාර්යවරයා කියා සිටී.
භූමිකම්පාවක් දැනුනහොත් ගොඩනැගිලි වලින් වහා ඉවතට පැමිණ තැනිතලා භූමියක රැදී සිටින ලෙසත් වඩාත්ම ආරක්ෂිත වන්නේ තැනිතලා භූමියක් බව ද ඔහු මහජනතාවට දැනුම් දෙයි.
