කච්චතිව් ශාන්ත අන්තෝනි දේවස්ථානයේ මංගල්‍යයට ඉන්දියානුවන් සිය ගණනක් පැමිණ සිටියහ.
කච්චතිව් ශාන්ත අන්තෝනි දේවස්ථානයේ උත්සවය සැමරීම සඳහා ඉන්දියාවේ සිට සිය ගණනක් බැතිමතුන් ඊයේ (සිකුරාදා) සහභාගී වූ බව ඉන්දීය මාධ්‍ය වාර්තා කරයි.
1974 දී කච්චතිව් දූපත ශ්‍රී ලංකාවට පවරා දෙනු ලැබුවද, වාර්ෂික පල්ලියේ මංගල්‍යයේදී වන්දනාමාන කිරීමේ අයිතිය රටවල් දෙකෙහිම ධීවරයන්ට හිමි විය. උත්සවය නිමිත්තෙන් කච්චතිව්හි විශේෂ විධිවිධාන යොදා ඇත.
මාර්තු 3 වැනිදා සවස කොඩිගහ එසවීමෙන් උත්සවය ආරම්භ විය. උත්සවය මාර්තු 4 වනදා අවසන් වේ. වසංගතය හේතුවෙන් පසුගිය වසර දෙක තුළ ශ්‍රී ලංකා රජය විසින් උත්සවය සඳහා සහභාගී වීමට ඉන්දීය වන්දනාකරුවන්ට අවසර ලබා දී නොතිබිණි
මෙම වසරේ, දෙදින උත්සවය සඳහා ශ්‍රී ලංකා නිලධාරීන් සහ රටවල් දෙකෙහිම කතෝලික පූජකවරුන් ඇතුළු 8,000 ක් පමණ පිරිසක් සහභාගී වනු ඇත. ඉන්දියාවේ සිට පැමිණි බැතිමතුන් 2,408ක් සිකුරාදා රාමේෂ්වරම් ධීවර වරායෙන් යාන්ත්‍රික බෝට්ටු 60ක් තුළුව බෝට්ටු 82 කින් මුහුදු පැමිණ තිබේ.
