මාස 6ක් ඇතුළත ඊශ්‍රායලයෙන් සිරියාවේ ඇලෙප්පෝ නුවර ජාත්‍යන්තර ගුවන් තොටුපොළට එල්ල වූ දෙවැනි ප්‍රහාරය වාර්තා කරමින් ඊයේ අලුයම ගුවන් ප්‍රහාරයක් එල්ල වූ බව සිරියාවේ මාධ්‍ය වාර්තා කළේය.පසුගිය මාසයේ තුර්කියේ හා සිරියාවේ සිදු වූ දරුණු භූ කම්පනයේ දැඩි බලපෑමට ලක්වූ සිරියානු ජනතාවට ජාත්‍යන්තර රටවලින් සහනාධාර රැගත් ගුවන්යානා ගොඩ බැස්සවීම් සිදුකළ මේ ගුවන් තොටුපොළට එල්ල වූ ඊශ්‍රායල ප්‍රහාරයත් සමඟ ගුවන්තොටුපොළ වසා දැමීමට සිදු වූ බව ද එරට මාධ්‍ය වාර්තා කළේය.
ප්‍රහාරයෙන් ගොඩනැඟිලි රැසකට හානි සිදු වී ඇති නමුත ජීවිත හානි කිසිවක් ඊයේ පස්වරුව වනතුරුම වාර්තා වී නැත.
