මැති ඇමැතිවරුන්ට ලබා දුන් රුපියල් කෝටි 10කට අධික වටිනාකමින් යුතු වාහන 6ක් වෙන්දේසි කිරීමට කර්මාන්ත අමාත්‍යාංශය තීරණය කර තිබෙනවා. ඒ එම වාහන අලුත්වැඩියා කිරීමට මුදල් ප්‍රතිපාදන නොමැති වීම හේතුවෙන්.
2020 වසරේ සිට අමාත්‍යාංශ පරිශ්‍රයේ ගාල් කර තිබෙන ලෑන්ඩ්කුෂර් වර්ගයේ V8, ලෑන්ඩ් රෝවර්, මයික්‍රෝ, ටාටා වර්ගයේ රථ මෙලෙස වෙන්දේසි කිරීමට කර්මාන්ත අමාත්‍යාංශය තීරණය කර තිබෙනවා.
මෙම වාහන 2013 වසරේ නිෂ්පාදිත බවත් මේ වන විට එම වාහනවල ඇතිවී තිබෙන කාර්මික දෝෂ අලුත්වැඩියා කිරීමට ඉතා විශාල මුදලක් වැය වන බව සඳහන්.
කර්මාන්ත අමාත්‍යාංශයේ ප්‍රතිපාදනවලින් එම රථ අලුත්වැඩියා කළ හොත් අනෙකුත් වාහන අලුත්වැඩියා කිරීමට මුදල් නොමැතිව යන බව එම අමාත්‍යාංශය සඳහන් කරනවා.
