හිටපු ක්‍රිකට් නායක අර්ජුන රණතුංගට ජාතික ක්‍රීඩා සභාවේ සභාපති ධූරයෙන් ඉල්ලා අස්වන ලෙස දන්වමින් ක්‍රීඩා අමාත්‍යවරයාගේ ජ්‍යෙෂ්ඨ උපදේශක රනිල් වික්‍රමසිංහගේ සමීපතමයෙකු ලෙස සලකෙන සුදත් චන්ද්‍රසේකර විසින් ලියන ලද ලිපියක් බදාදා (29) කරළියට පැමිණියේය.
ජාතික ක්‍රීඩා කවුන්සිලයේ රැස්වීමක් බදාදා පැවැත් වූ නමුත්, කවුන්සිලයේ කිසිදු සාමාජිකයෙකු Zoom හරහා රැස්වීමට සහභාගී වී නොමැති බව එම ලිපියේ සඳහන් වේ. ජාතික ක්‍රීඩා සභාවේ සභාපතිවරයා ලෙස අර්ජුන රණතුංග තවදුරටත් පිළිනොගන්නා බැවින් නොපැමිණීම ගැන පුදුම විය යුතු නැති බවද සුදත් චන්ද්‍රසේකර සිය ලිපියේ වැඩිදුරටත් සඳහන් කර ඇත.
මේ පිළිබඳ අදහස් දක්වමින් රණතුංග පැවසුවේ, “සාමාන්‍යයෙන් අපට සභා රැස්වීම් බ්‍රහස්පතින්දා ඇතත් අපට එය මේ සතියේ අඟහරුවාදාට ගෙන යාමට සිදු විය. හය දෙනෙක් කලින් දන්වා හිටියා එයාලට එකතු වෙන්න බෑ කියලා ඒත් දෙන්නෙක් රැස්වීමට එකතු උනා. ඔහු මෙය මගින් ජනතාවට වැරදි චිත්‍රයක් ලබා දීමට උත්සාහ කරනවා.”
වත්මන් ක්‍රීඩා අමාත්‍ය රොෂාන් රණසිංහට ජාතික ක්‍රීඩා සභාවේ සභාපතිවරයා ලෙස රණතුංග පත් කිරීමට යෝජනා කළේ තමන් බව එම ලිපියෙන් චන්ද්‍රසේකර කියා සිටී. රණතුංග මෙම තනතුරට පත්කිරීමට හිටපු ජනාධිපති ගෝඨාභය රාජපක්ෂ මහතා තරයේ විරුද්ධ වූ බවද ඔහු කියා සිටී. කෙසේ වෙතත්, අදහස් දක්වමින් රණතුංග හිටපු ජනාධිපතිවරයා සම්බන්ධයෙන් කරන ප්‍රකාශය තරයේ ප්‍රතික්ෂේප කළා.
ලිපිය සම්බන්ධයෙන් වැඩිදුරටත් අදහස් දක්වමින් රණතුංග මෙසේ පැවසීය: “මම මේ අලෙවිකරුවන්ට වගකියන්නේ නැහැ. මාව පත් කළේ ඇමැතිතුමා, මම වගකිව යුත්තේ අවශ්‍ය නම් ඇමැතිවරයාට සහ ජනාධිපතිතුමාට පමණයි. දූෂණ විරෝධී නව පනත ගෙන ඒම සඳහා මම ඇමැතිතුමාට සහ ජනාධිපතිතුමාට දැඩි ලෙස සහයෝගය ලබා දෙනවා. මේ දූෂිතයන්ට සහය දෙන පිරිසක් අප තුළම සිටින බව දැන් අපට පෙනෙනවා. ඇමැතිවරයාට අවශ්‍ය වී ඇත්තේ ශ්‍රී ලංකා ක්‍රීඩා ක්ෂේත්‍රයේ දූෂණය අවසන් කිරීමටය. මම කවදත් දූෂණයට එරෙහිව නැගී සිටින කෙනෙක්, ඉදිරියටත් මම එය කරනවා.”
