ශ්රී ලංකාවේ නවසීලන්ත මහ කොමසාරිස් මයිකල් ඇපල්ටන් මහතා ඊයේ (6) ජනතා විමුක්ති පෙරමුණේ පැලවත්ත පක්ෂ කාර්යාලයට පැමිණියා. ඒ තම තානපති සේවය අවසන් කිරීමට පෙර ජාතික ජන බලවේගයේ නායක අනුර කුමාර දිසානායක මහතා හමුවීමටයි.
නවසීලන්ත මහ කොමසාරිස් කාර්යාලයක් නිල වශයෙන් පළමු වරට ශ්රී ලංකාවේ ආරම්භ කිරීමත් සමග මයිකල් ඇපල්ටන් මහතා ශ්රී ලංකාවේ රාජකාරි ආරම්භ කරන ලද අතර ඔහු වසර දෙකහමාරක ශ්රී ලංකාවේ රාජකාරි ජීවිතයෙන් සමුගැනීම සටහන් කිරීම වෙනුවෙන් මෙම හමුව පැවැත්විණි.
අභියෝගාත්මක කොවිඩ් වසංගතය මධ්යයේ ශ්රී ලංකාවට පැමිණ දෙරට අතර තානාපති සබඳතා ශක්තිමත් කිරීම වෙනුවෙන් මයිකල් ඇපල්ටන් මහතා විසින් දක්වන ලද දායකත්වය අනුර කුමාර මහතා පැසසුමට ලක් කර ඇත.
