ස්වාධීන කොමිෂන් සභා සඳහා නව සාමාජිකයින් පත් කිරීම මෙම සතියේදී සිදුවන බව දේශපාලන ආරංචි මාර්ග පවසනවා.
ස්වාධීන කොමිෂන් සභා සඳහා නව සාමාජිකයින් පත් කිරීමට අදාළ අයදුම්පත් කැඳවීම මේ වන විට අවසන් වී ඇති බව වාර්තා වන අතර, අයදුම්පත් විශ්ලේෂණය කිරීම සිදුවෙමින් පවතින බවයි ආරංචි මාර්ග ප්රකාශ කරන්නේ.
ඒ අනුව නව සාමාජිකයින් පත්කිරීම සම්බන්ධයෙන් මූලික වටයේ සාකච්ඡාවක් මේ සතියේ පැවැත්වීමට නියමිතයි.
මේ වන විට ලැබී ඇති අයදුම්පත් 1600කට අධික සංඛ්යාව මූලික කුසලතා ලැයිස්තුවක් සකස් කිරීමෙන් අනතුරුව නව කොමිෂන් සභා සාමාජිකයින් තෝරා ගැනීම සිදු කෙරෙන බව වාර්තා වේ.
කෙසේ වෙතත් මේ සම්බන්ධයෙන් අවසන් තීරණය ගනු ඇත්තේ ආණ්ඩුක්රම ව්යවස්ථා සභාව රැස්වීමෙන් පසුවයි.
මේ අතර, ආණ්ඩුක්රම ව්යවස්ථා සභාව අඟහරුවාදා (පෙබ. 28) රැස්වීමට නියමිතව තිබුණද, එම රැස්වීම සම්බන්ධයෙන් මෙතෙක් අවසන් තීරණයක් ගෙන නොමැති බව දේශපාලන ආරංචි මාර්ග සඳහන් කරයි.
